Ode

Ein (eller ei) ode, frå gresk ode, 'song', er eit høgstemt lyrisk dikt som tar opp filosofiske eller moralske emne eller hyllar framståande personar eller ein guddom. Ein ode kan gjerne vere eit rimfritt dikt.

I antikken var omgrepet bruka om songar og songbare dikt generelt, frå seinantikken vart det utvikla ei meir spesifikk tyding. I renessansen vart ordet bruka som musikalsk genernemning for komposisjonar skrivne i samsvar med ode-ideala frå antikken.